نبع الهوى

وقالت ما ظننتك هكذا
من أين تأتى بالكلام
قلت من عينيك حبيبتى
هى معقل الهوى والغرام
أتى به من وجهك
يا فرحة الأيام
من ذكراك عندى
من تعبيرات وجهك
من الإبتسام
من مكانك بقلبى
وقد أقمت فيه..
واستعذبت المقام
آتى بكلامى حبيبتى..
من شعورى بالسعادة..
لأنّا دوما فى انسجام
لأنك أنت يا فرحة عمرى
جعلتنى والدنيا فى سلام
لأنك حقيقة عمرى
وانت إحلى الأوهام
أقضى نهارى أفكر فيك
وقربانى لك المنام
وأنت جزء من عقلى
وأنت كل الأحلام

إعتذار...إلى الشيشان.. ثم فلسطين ولبنان .. ثم العراق والسودان

لهفى عليك يا جروزنى
لهفى عليك وحزنى
قلبى ينزف دما
ودمعى تساقط من عينى
ما أقرب مأساتك من قلبى
وما أبعد أرضك عنى
أيكفيك عذرى هذا..
أم أنك يوم القيامة..
سوف تقتصين منى؟
*********
لهفى عليك يا جروزنى..
وقد استجرت بالمسلمين
تشكين إليهم حالك..
وظلم الكرملين اللعين
وما سمعت منهم ردا
ومتى كان للصمت رنين؟
إن كان لكم فيهم رجاء
فخير لك أن تنادى الميتيين
ما رد عليك من الأحياء
سوى قلب..
مكبل داخل الصدر حزين
يرزخ فى قيوده..
جالس خلف القضبان سجين
لك يا إسلام ملايين المحبين
وا سفاه
حبهمباللسان.. لا باليدين
قلبك معك جرونى..
ومع ابنك المسكين
*******
لهفى عليك يا جروزنى..
أمازال لديك أمل؟
ألم تستوعبى الدرس بعد؟
أمازلت تبحثين عن البطل؟
ألازلت تنظرين للغد..
وبعض البشر فى المقل؟
انتظرى..
عسى أن يتحرك الجبل
انتظرى..
أن يولد طفل جديد..
لا يعانى - مثلنا - من الشلل
انتظرى ...
ولا تجعلى أملك كبيراً
انتظرى...
فستنتظرين كثيــراً
وغالبا.. ستشعرين بالملل
********
لهفى عليك يا جروزنى..
وعلى بنيك..
كيف تواجهون هذا الصقيع..
أتستجيرون بالإسلام؟!
أظنه دفن منذ أجيال مضت
مع الصحابة فى البقيع
دفن مع صلاح الدين..
آخر حصن للإسلام منيع
من بعدهم...
سقطنا فى أحضان الهوان
واستسلمنا للصمت الشنيع
اصرخى كما شئتِ
فلن تجدى منّا ردا
دعك منّا..
فلا يرجى منّا نفعاً
وادعى الله أن ينصرك.. ويرحمك
سبحانه..
هو القدير السميع
**************
كتبت هذه القصيدة فى بداية قضية الشيشان.. وفكرت أن أعدلها لتوائم حال فلسطين الآن.. غير أنى تذكرت واجبى نحو التذكير بمن أوشكنا نسيانهم فى محنتهم... ثم أن الهم واحد فى كل الدول المحتلة والمحاصرة
فعذرا إليهم.. نصرهم الله ورزقنا الجهاد وجعلنا من أهل نصرة الدين

لا بديل

وتسألنى حبيبتى..
إن لم تحبنى..
من كنت تحب غيرى؟
قلت لا بديل لك حبيبتى
فإنى أظن أن لى قلباً
لا يفتح إلا مرة فى العمر
مغلق بالأختام
وبيدك المفتاح..
ومقاليد أمرى
اسمك مكتوب على جبينى
أتراك تكوين نصيبى
فى ألواح القدر؟
جئت الدنيا مغلق العين عليك
لا أرى سواك مد البصر
ولدت وحرام على عينى..
أن تستبيح لغيرك النظر
جعلنى حبك غير الناس
إن دمى ليس كدماء البشر
إنه لا يجرى فى عروقى
بل هو ساكن كالبحر
كل قطرة فيه قد شغلها حبك
فوقفت تلتهب كالجمر
جلست تنتظر...
أن تبدأ مراسيم هواك
أن تأتى لحظة النحر
فأذبح شرايينى..
وتسيل دمائى قرباناً لك
تجرى من أجلك كالنهر
إن النساء عندى كالنجوم..
وأنت بينهن القمر
لابد من وجودهن ..
حتى تزدان السماء
لتلمعى أنت وتظهرِى

يبت العرايس والعرسان

مدونة بيت العرايس والعرسان... http://home-of-the-bridez.blogspot.com/
من أواخر المدونات اللى زرتها.. طبعا الموضوع واضح.. ولو مش واضح نشرح عشان ما يحصلش لبس....
المدونة دى مش شريط ال SMS اللى فى القنوات الفضائية بتاع "شابة فى الستين من عمرها ولديها عمارة وتريد بعلا ".. فتلاقى سبق بين البعال من أول 20 سنة لغاية 70 سنة بيطلبوا الوصال( والله شفت الموقف من أول 20سنة بس مش فاكر أكبر واحد كان عنده كام سنة) ولا " مهندس بطنطا يريد زوجة ميسورة ولديها شقة" .. يا عم ارحمنا.. روح النقابة وقولهم عايز شقة .. هيقلولك واحنا كمان.. مسألة محلولة يعنى.. وبسيطة متستبسطهاش..
المدونة دى ملتقى الطوابير المتزاحمة والمتزايدة .. واحنا عارفين شعار المرحلة فى مصر..
( أقف فى الطابور.. لغاية ماييجى الدور)
سواء طابور عيش أو شقق أو جواز أو تموين أو حتى أتوبيس.. المهم .. ماعلينا ( تحية كبييييييرة لمؤسس مبدأ ما علينا الرائع محمود عبد العزيز.. والرائع هنا تعود على الاتنين : المبدأ والممثل) فى ناس بتتسلى فى طابور العيش وبترغى وتتعرف.. برضه فى طابور الجواز بيحصل ده.. ومسايرة للطفرة التكنولوجية الرائدة فى مصر.. وعشان نعجب الحكومة الذكية .. اللى واقفين فى الطابور ده بيرغوا ويفضفضوا إلكترونيا.. طبعا إحنا فى عصر الديجيتال والحكومة عاملة حاسب لكل منزل.. حتى لو كان سبوبة لشركات الكمبيوتر والبنوك.. ورخصت الـ DSL لـ45 جنيه فى الشهر.. حتى لو كانت الخدمة مش كويسة ولا متوفرة فى محافظة بحالها زى المنيا .. بلدى الرائعة المخنوقة ثقافيا واجتماعيا وماليا ووظيفيا .. وسكنيا طبعا عشان كردون المبانى مقفول من قد 15 ولا 20 سنة لغاية ما الشقة الـ 100 متر بقى تمنها 500000 ( متتخضش .. نص مليون جنيه مفيش أصفار غلط .. ولو حتة أقل يبقى بتحكى فى ميتيناية ولا تلتمياية (الترجمة لغير المصريين: 200 ألف أو 300 ألف جنيه) ولو نزلت بقى لآخر ما يمكن للطبقة المتوسطة بشَرطة يبقى 120- 150 ألف والطبقة المتوسطة من غير شَرطة ممكن تلعب فى ال75000 جنيه ... يا بلاش .. وألف شكر للحكومة اللى منعت البناء عشان تحافظ على الأرض الزراعية.. وراحت جابت تقاوى مضروبة وأسمدة بايظة عشان تبوظ الأرض الزراعية.. ودلوقتى مافيش سماد من أساسه عشان نبور الأرض الزراعية.
إحنا كنا بنقول إييييييييييه؟؟
آه.. المدونة اللى كنت باتكلم عنها من نص ساعة - قبل الحكومة العبقرية ما تدخل فى الخط - مجمعة قصص من الناس اللى واقفة فى الطوابير.. وعندهم كمبيوتر .. ووصلة نت.. بيدردشوا ويحكوا ويضحكوا.. واحنا أساتذة فى غسيل الهموم بالنكت والإفيهات.
مدونة دمها خفيف وتقيل.. خفيف بالكلام وتقيل لما تحس بهموم جيل عازب.. رجالة وستات.. لادول لاقيين ولا دول لاقيين..ودول موجودين ودول موجودين .. بس العين بصيرة ( بصيرة جدا جدا.. والمعروض دلوقتى بضاعة موووووز موووووووووز موووووووووز" والإيد قصيرة قوى " غالبا قصيرة .. فى ناس اديها طويلة .. اللهم إحفظنا واحفظ ولايانا)
فى مدونة تانى لصاحبة المدونة دى مش هاقول اسمها دلوقت... عشان تستحق موضوع لوحدها
زوروا المدونة دى وقولوا رأيكم

الإختيار المقنع للقارئ المستمتع

هذه سلسة جديدة أنوى فيها بإذن الله تعالى أن ألقى الضوء على مدوناتى المفضلة.. شارحا أسباب إعجابى بها... وأظن أن ذلك لن يغضب كاتبيها أو ينتقص من حقهم شيئا.. على النقيض تماماً.. فهو سيوفر لهم المزيد من الانتشار.. ويقدم لهم نقدا جادا .. فأنا بطبعى حيادى حين أستشعر المسؤولية
أرجو أن تنال إعجابكم.. وكما قدمت لكم هذه المدونات ونقدتها فأرجو ألّا تبخلوا علىّ بالنقد والتعليق سواءً على هذه السلسلة أو على غيرها من إدراجاتى
وشكرا